Mohabbat Mom Ka Ghar Hai
Tabish Bad Gumani Ki
Kahin Pighla Na De iss ko
Main Kehta Hoon
Jis Dil Main Zara Bhi Badgumani Ho
Wahan Kuch Or Ho Tu Ho
Mohabbat Ho Nahi Sakti
Wo Kehti Hai Sada Aisay Hi
Kaya tum Muj Ko Chaho Ge
Keh Main Iss Main Kami Koi Bhi
Gawara Ker Nahi Sakti
Main Kehta Hoon
Mohabbat Kaya Hai
Yeh Tum nay shikaya hai
Mujay Tum Say Mohabbat K Siwa
Kuch bhi Nahi Aata
Wo Kehti Hai
Judai Se Bahut Darta Hai Mera Dil
Keh Khud ko Tum Say Hat Ker Dekhna
Mumkin Nahi Hai Ab
Main Kehta Hoon
Yahi Khadshay Bohat Muj Ko sattay Hain
Mager Sach Hai Mohabbat Main
Judai Saath Chalti Hai
Wo Kehti Hai
Batao Kaya Mere Bin Ji Sako Gaye Tum
Meri Baatien,Meri Yaadien,Meri Ankhien
Bhula Do ge
Main Kehta hoon
Kabhi iss Baat per socha nahi main ne
ager ik pal ko b sochon too
saansien ruknay lagti hain
wo kehti hai tumhein mujh say
mohabbat iss kader kyu hai
Keh main ik aam si larki
tumhein kyu khas lagti hoon
main kehta hoon
kabhi khud ko meri ankhon say tum dekho
meri deewangi kyu hai
yeh khud he jaan jao gi
wo kehti hai
mujay warftgi say dekhtay kyu ho
keh main khud ko bohat
keemti mehsoos kerti hoon
main kehta hoon
Mata e-jaan bohat anmool hoti hai
tumhein jab dekhta hoon zindgi
mehsoos kerta hoon
wo kehti hai mujay alfaz k jugno nahi miltay
keh tumhein bata sakon
keh dil main mere
kitni muhabbat hai
main kehta hoon
mohabbat tu Niighaon say jhalkti hai
tumhari khamosi mujh se
tumhari baat kerti hai
wo kehti hai
batao na kise khonay se darte ho
batao kon hai wo jisay
yeh musam bulatay hain
Main kehta hoon
yeh meri shyeri hai Aaina dil ka
zara dekho batao kaya
tumhien Iss main nazar aya
wo kehti hai
suno!! bohat baatein banatay ho
mager sach hai yeh baatein
bohat hi shaad rakhti hain
main kehta hoon
yeh sab baatein yeh fasany ik bhana hain
ke pal kuch zindagani k
tumhare saath kat jaein
phir us k baad khamoshi ka
dilkash raqs hota hai
nigahaein bolti hai or
lab khamosh rehtay hain
0 comments:
Post a Comment